معانا كل أسبوع مشاركات بنوتة تحت العشرين ونستقبل كل المشاركات من أحلي بنات تحت العشرين
اكتبي مذكراتك وخواطرك وابعتيها على الإيميل بتاعنا واحنا هنعرضها هنا كل يوم جمعة
woman@al-mowaten.com
من مذكرات سلمي:
كل واحد عايش جوا العالم بتاعه
و كل واحد هو بطل قصته بيحاول يظهر فيها فى أحسن صوره ’ بيختار أحسن رأى ’ و أحسن شكل ’ و أحسن حياة

كل واحد بيسعى لأنه يعيش الحياة المثالية اللى فى دماغه
و يستغرب أوى لما يلاقى حد غيره عايش بطريقة تانية و مش متفق معاه

و أحياناً يزعل أوى على الشخص دا لو هو حد قريب منه ,
علشان مش بيعمل زيه و بيسيب الحاجات اللى بتفرح و يجرى على حاجات تانية ملهاش لازمة

و من هنا بييجى الاختلاف
مش كل حاجه تفرحك ممكن تفرح غيرك
ربنا موزع الأرزاق
حتى الفرحة .. موزعها
سيب كل واحد يعيش حياته براحته , يدور على اللى يفرحه هو و يفرح بيه
حتى لو اللى هيفرحه دا حاجة بالنسبة لك تافهة
دور على اللى يفرحك إنت . و إفرح

و إفرحو سوا حتى لو السبب مش واحد

المهم .. تتبسط , و يكون ربنا راضى
[/b]