يايمــــه تذكرين كيف كنتي تكيدن شعري تذكرين كيف لا جيتك ابكي تهديني وتضميني وتذكرين كــيف كنتي على فراشي تنوميني بكل حنانـــك وطيبـــك وكل حـــب تحوينـــي البارحــــه يا يمـــه مر طيفـــك عــلي بالليل وسمعـــت همسـك باذني تناديني وتقوميني وفزيت مـن نومــي واثري احلـــم واتهيـــأ فزيـــت واتلفــت واسأل مكانــي انا ويني؟؟ كنــت احســـب انــي في حظن امي غفيانه يمــــه ترى بنــتك حيـــل بدنيتـــها تعبانــه
يمه كان وقتها اكبرهمي كراستي وتلاويني ولعبه كنت اهملها وبعدها تلقيني بين يديني والحين كل شي تغير يا يمه ما عدت انا الطفله ولا عادت همومي همومي ودنيتي ماهيب سهله يا يمه كل شي تغير علي وصار الهم يحل مكانه يا يمــه ترى بنـــتك حـــيل بدنــيتــــها تعبــانــه
ليتك يا يمه ماربيتيني على الطيبه من اول سنيني ليتك ما عوتيني اسامح غلطه الغير واصبر واعنيني يا يمه طعم الحياه مر ماهو ابد مثل ما كنتي ترويني كل شي تغير حتى نفوس البشر قولي لي ولا انا غلطانه يا يمــه تـــرى والله بنتــك حيــل بدنيتــها تعبـــانـه ..