نصايح للى عايز يشتغل فى مطبعة , نصائح للمصمين راغبى العمل فى المطابع

السلام عليكم
نصايح للى عاوز يشتغل فى مطبعة اوت دور (مطبعة يفط يعنى)
الموضوع ده للناس اللى بتتكلم عن موضوع انه ينزل يشتغل الاول عشان ياخد خبرة
مفيش مطبعة هتقتنع بيك لانك واخد كورسات ... الناس دول مبيقتنعوش بحد الا لما يشوفوا شغله
يعنى مهما اخدت كورسات فى برامج تصميم كتير ده مش مقياس ليك اهم حاجة الشغل العملى وخصوصا فى مجال الدعاية والاعلان .
يعنى
انت لازم تقعد فى البيت مع نفسك الاول كده ومتستعجلش ع رزقك تتعلم واحدة
واحدة مع نفسك وتقعد تصمم وتورى الناس تصميماتك عشان ينقدوها وتجرب وايدك
تمشى فى البرنامج ولازم تشوف اعمال تجارية كتييييييييييييييير عشان يبقى
عندك مخزون افكار كويس لما تيجى تشتغل بحيث انك تنفذ الافكار دى وتضيف
عليها .
ولازم تعرف انك لما تشتغل فى مطبعة ههتحط فى ظروف كتييييييييييييير عمرك ما كنت تتخيلها
زى
ممكن يطلب منك تصميمات اول مرة تصممها او واحد عاوز تصميم بسرعة او ان فى
ضغط شغل وماانتش ملاحق المكنة ودى اكتر حاجة بضايق صاحب المكان فلازم اثناء
فترة تدريبك فى البيت تقعد تتخيل معظم الظروف اللى ممكن تتحط فيها وتسال
نفسك مثلا وانا قاعد ممكن واحد يجى يقولى صمملى يافطة سوبر ماركت وتبدا
تفكر انا هحتاج ايه هحتاج مثلا صور مواد غذائية ولازم تكون هاى ريس عشان
الشغل ده مش هيتعرض ع النت بقى ده هيتطبع واقل بكسلة فيه هتبان فى الطباعة
طب انا استف الصور دى ازاى طب اهم حاجة عند الزبون ايه فى مصر طبعا ان
يكون اسم المحل كبييييييييييييييير طب ازاى اكتب اسم المحل ده بطريقة شيك
وهكذا لغاية ماتبدا انت يبقى عندك اسلوب منظم فى تصميماتك وشغلك
اهم
حاجة بقى فى شغل المطابع درجات الوانك وبلغة المطابع احبارك يعنى تبعد عن
استخدام الاولن الفاتحة كتير تشتغل تصميماتك ع نظام CMYK وتلغى من حياتك
حاجة اسمها RGB تشتغل الالوان المشهورة بارقامها زى الاجمر والازرق والاصفر
تصميمك تحفظه بصيغة TIF وقبل ما تدخله يطبع ع المكنة لازم يكون متفلتن
معموله يعنى(FLATTEN IMAGE) وبرضه تبقى حافظه بصيغة TIF لان دى الصيغة اللى
بتقراها المكنة
وفى الاخر هتعمل الحاجات دى هتبى داخل ع اى مكان واثق
من نفسك حتى لو مشتغلتش قبل كده ممكن توريهم حاجت انت مصممها مع نفسك فى
البيت وهيرحبوا بيك وهيبقوا شايفينك كنز ان محدش علمك وعارف كل الحاجت دى
وهيمسكوا بيك ان شاء الله
واعرف برضه حاجة مهمة لنفسك ان اى زبون هيكون
شايفك قاعد بتتعلم لما يجى ويلقيك اتعلمت هيبقى خايف انك تعمله شغلك لانه
مش هيبقى واثق فيك لانه شايفك مبتدئ فانت خدها من قاصرها واتعلم فى بيتكم
احسنلك ... مجرد نصيحة

نصيحة مهمة شكرا على الموضوع وعلى النصيحة المهمة