اخواني واخواتي اقدم لكم هذة القصيدة

والتي ذكرت فيها معظم قبايل اليمن

ووجتها للشاعر حسن جحشان المشيعي

يقول بن قطمان

[poem=font="Simplified Arabic,6,limegreen,bold,normal" bkcolor="darkred" bkimage="" border="groove,7,limegreen" type=2 line=1 align=center use=ex num="0,black"]

بدوان في روس الشحر00 تفرح بزخات المطر= وان غاب في الليل القمر00 الكل ينظر للسحاب
وتنظر البرق الرفيف00 لالاح في راس القنيف= وتقول يالله يالطيف00 حط المخيله عالشعاب
ذي تنزل السيل الكبير00 غواربه فوق الضمير= مداه يبلغ للمحير00 من حيث يرعون الركاب
الناس تفرح عالعموم00 لوقالك بقعا عموم= ومن صرب لازم يدوم00 ماشي على ربك حساب
خط ياقلم فوق السطور00 وبلغ الناس الحظور= احساس من نبظ الشعور00 ودونه داخل كتاب
وارقم بخطي ياقلم00 البحر بالموجات زم= وانشد على حيد النشم00 صاحب ومن خير الصحاب
بوشايع الشهم الاصيل00 قليل من مثله قليل= من ذي يشومه ما يميل00 وافي ولاجاه العتاب
قله حسوفي عالشجاع00 ذي يشتريمايوم باع= ويرد بالصاعين صاع00 واليوم قد ذاق العذاب
اتكالبو عنده امم00 جوله عرب من كل يم= بعد النعم عايش بهم00 وخلو ادياره خراب
والناس تنظر بالعيون00 واهل الروادي يسمعون= ويلاه مايتحركون00 ولاينشون الذباب
حيا زمنا ذي بعيد00 ايام خالدبالوليد= كانت عرب ترعد رعيد00 بسيوفهم هي والحراب
تدخل ميادين القتال00 والدم لاعمد وسال= توقف معك مثل الجبال00 في المعركه والله صلاب
صلاب في وقت الدخول00 ولايهابون النزول= تدخل بها عرضا"وطول00 شيبانهم هم والشباب
واحنا عرب متفرجه 00 والنا طرق متعرجه= ومن نشب مالخرجه 00 لوباتعشاه الكلاب
اهم شي يرضى القوي00 ذي له في الدنيا دوي= وابغاه يوخذ ماهوي00 له تنحني كل الرقاب
ماراجي الامن رجاه00 دورعلى خيط النجاه= دورت في كل اتجاه00 ياربنا فك الحجاب
ورجع المجد القديم00 للعامري وابني تميم= واصحاب مدين والرقيم00 والشمري والبو ذياب
واليافعي والعولقي 00والعبدلي والمقطري=ونهد هم والصيعري=والحاشدي ذي مايهاب
ومن في تحالف بلعبيد00 من ذلحمر لما رميد= رجال تمو عالعويد00 ماحد من الموت استهاب
نعمان ياخير الرجال00 والسومحي وابني هلال=والعوذلي وبن جلال00نؤح وسيبان الذئاب
والحارثي والمصعبي00 والمشجري والعكبري= بكيل هم والتغلبي00والراشدي وقت الطلاب
وارض الكثيري للصمود00 والهاشمي مثل العمود= هم والمناهيل الاسود00 ذي كسرو راس الغراب
والجابري والواحدي00خولان هم والواقدي= حمير دهم والخالدي00جعده ومره للحراب
وانشد على المهره وسير00 في ارض مشقاص الخطير= ذي يعصرون الما عصير00 رجال تدخل فالضباب
عرج على كل القبل00 وقلهم وين السبل= سرحان عاده معتقل00 يمشي كما الذيب المصاب
يانور شفتك من بعيد00 اناعلى شوفك سعيد= وان جيت عندي يوم عيد00 بدعي صحابي والقراب
وباتعوذ بالاحد00 من شر حاسد لو حسد= بنسى التعاسه والنكد00 والظلم واصحاب الخطاب
ذي مايحبون اليتيم00 وخلو الطارف غريم= ماعندهم للنفس قيم00 يعلهم وسط التراب
يالله يالرب المتين00 رزاق رب العالمين= انصر جميع المسلمين00 والطف بهم يوم الحساب
يارافع السبع الطباق00 ارحم مساكين العراق= من التيتم والفراق00 ومن المشقه والصعاب
والختم صلو عالحبيب00 ماتشرق الشمس اوتغيب=وماطرح ماطر خصيب00 وامست سيوله في الجراب[/poem]

اخوكم بن قطمان