يسعدني ان اطرح بين ايديكم هذه القصيده

للشاعر الشهيد // محمد بن صالح باسرده

[poem=font="arial,6,blue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
يقول بو ناصر لقينا سعيد في غرفه قديمه = والكساء والماء ومصروفه على الرب الكريم
وان تعب يخرج مع البصار والدنيا نسيمه = يخرج البصار لاهزت نسانيس النسيم
بايحصل نور قدامه وبيحصل حليمه = موزهم واجد وفي صندوقهم عنباء وليم
ذا غريم الدهر قولوا بخت من حصل غريمه = كل من حصل غريمه لا يفلت للغريم
من قده شاطر معد يلقي معه ثاني قسيمه = وان لقاء ثاني قسيمه يامسلم ياسليم
ياشريم اقطع شع الرجال ما يقطع شريمه = كلم الحداد قله يقلب الشفره شريم
كلم الحداد دي جانا مسافر من تريمه = وش معه في الكيس ذي جابه معصب من تريم
شي معه لله بايمده لنا من غير قيمه = او معه حاجه لها معنى ويعطيها بقيم
شي دواء بايداوي المخلوق دي نفسه سقيمه = شي دواء ولا وداعه خير يالقلب السقيم
كلمتي من بايفسرها وهي كلمه عظيمه = واسمع الكلمه من المسكين يالرب العظيم
كلمة محمد لها معاني صحيحه مستقيمه = تكتتب في البوك تبقى للسراط المستقيم
واخبروني من خمع بالعود في راس اليتيمه = مات ابوها واندفن في القبر ياخاب اليتيم
واخبروني من سرح يعمل حجل من غير شيمه = كل من شل حق الناس ماواه الجحيم
ليه يالمسكين تبغاء النار والجنه نعيمه = غمض العينين لاقصدك بجنات النعيم
كل من ساعد مع المسكين قالوا له جريمه = يحبسه لول وتالي ركبوا له سين جيم
هاجسي يحكم بحكم الله واقواله حكيمه = وش باتقولون فيما قال لقمان الحكيم
[/poem]

بـلــعــــــــور