موضوع: شرح موضوع قرعة كندا؟ هل هوفيروس؟؟ 14/1/2014, 20:59
اهلا بكم اخواني الاعزاء
لاحظت اليوم على موقع الإلكتروني رابط تسجيل في قرعة كندا متداولا كثيرا الأمر الذي فعني لتحري فالأمر لأجده سوى وسيلة لإختراق حساب فيس بوك...?
إذا سأشرح إليكم اليوم موضوع قرعة كندا؟ هل هو فيروس؟ أوهل يخترق جهاز الكمبيوتر؟
...............
السفر إلى كندا هو ماشي فايروس المبرمجين هو للي كايعرفو معنى ديال فايروس.. بما أننا حنا ناس عاديين ماشي مبرمجين نبسطها لكم .. بعد ما كنذخل للموقع المختصر Adfly كتلقى واحد الإعلان وسط الشاشة كايقولك إضغط هنا من بعد كايحولو لإحدى المدونات منصتها بلوغر المدعمة من جوجل من بعد صاحب المدونة كايقول إضغط هنا منين كاتكليكي كايحول للواحد تطبيق في الفايسبوك داك التطبيق خاص يعني هنا الضحية مخصوش يكون عادي حيت ماغادي يستافد منو والو خاصو يكون آدمين في شي صفحة باش صاحب تطبيق كايوي آدمين في ديك الصفحة لي فيها الضحية و هكا يقدر يسرق الصفحة بكل سهولة .. باش نفهمك مزيان كايجي شفار عندك للدار و نتا كاتفتح ليه الباب و كايدخل و كايسرق قدام عينيك و نتا حال فهمك تا كيمشي عاد كيضربك لفڭد .. لهذا راه نتوما خاصكم قبل ماتشاركو في آي تطبيق في فايسبوك حتى تعرفوا الوظيفة ديال داك تطبيق آش هي ماشي لي بان لك تابقى غير كتعفط على ديك اوكي اوكي اوكي .. إذا هذا راه ماشي فايروس حيت نتا راه كاتعطيك الصلاحيات باش تزيدو آدمين .. وشكرا لحسن إستماعكم.